Terapia profesionale

Çfarë është terapia profesionale?

Terapia profesionale është pjesë e trajtimit spitalor dhe përfshin aktivitete të ndryshme manuale, kreative, rekreative, edukative, intelektuale dhe aktivitete tjera që kanë për qëllim arritjen dhe avancimin e funksioneve fizike dhe mentale të pacientëve.

Qëllimi i terapisë profesionale është rehabilitimi sa më i shpejtë dhe përgatitja e pacientit për kthim në rrethin shoqëror, përkatësisht risocializimi.

Qëllimi ynë është që njerëzit të largohen nga klinika jonë të kënaqur dhe të gatshëm për të gjitha sfidat jetësore, dhe besojmë që qëndrimi në klinikën tonë do t’i përgatisë për këtë.

Me ndihmën e terapisë profesionale ndikohet në përmbushjen e një sërë nevojash që duhet përmbushur në mënyrë që një person të ndjehet mirë në lëkurën e tij dhe të jetë mentalisht i shëndoshë. Posaçërisht është e rëndësishme nevoja për përkatësi, konsideratë, vetërespekt dhe respekt. Në klinikën tonë VIP Vorobjev i kushtojmë vëmendje secilës prej këtyre nevojave sepse e dimë që ato janë thelbësore për rikuperim dhe fillim të një jete të re, më kualitative.

Teknikat e terapisë profesionale

Jemi munduar që pacientëve tanë t’i ofrojmë format e punës që janë interesante, që nxisin aktivitete dhe i përgatisin ata për një jetë aktive edhe pas largimit nga klinika. Për të mundësuar përdorimin e të gjithë potencialit të tyre, ne përdorim këto teknika në punën tonë:

• të dirigjuara: pacientët duhet të mbështeten në udhëzime, propozime dhe urdhra të terapistit, dhe t’i ndjekin ato (truri kreativ, puzzle, aktivitete të ngjashme që bëjnë pjesë në zgjidhjen e problemeve);
• qetësuese: kanë efekt qetësues tek pacientët, sidomos tek femrat, të cilat me kënaqësi pranojnë këto teknika. Pikturimi në vaj, me temper apo akuarel, skulptura me argjilë dhe aktivitetet e ngjashme artistike mundësojnë shprehjen e ndjenjave që nuk mund të komunikohen me gojë. Rol të rëndësishëm në gjithë këto teknika luajnë edhe lloji i materialit dhe karakteristikat e ngjyrave.
• inventive: këtu kërkohet nga pacienti që të vetëm të shpikin dhe të gjejnë zgjidhjen e detyrave që i marrin dhe kështu përsëri zgjojnë kreativitetin e tyre. Për shembull krijojnë urime, moto, bizhuteri, teknikat e dekupazhit...
• të lira: pacientët zgjedhin vetë këto teknika në bazë të përzgjedhjes dhe interesave së tyre personale, dhe këtu nuk ka asnjë rregull dhe kufizim;

Përveç teknikave të mësipërme, përdorim dhe aktivitete rekreative dhe intelektuale.

Ne përpiqemi që të stimulojmë të gjithë nivelet e funksionimit të pacientëve tanë, dhe për këtë arsye konsiderojmë që aktivitete rekreative siç janë gjimnastika, shëtitjet, palestra, bowling, biliardi, pikado dhe pikniku kanë efekt të dobishëm dhe përshpejtojnë rikuperimin. Pacientët tanë kënaqen shumë në këto aktivitete, ndërsa ndodhin edhe miqësi të reja, dhe për këtë ne jemi jashtëzakonisht të kënaqur.

Aktivitetet intelektuale përfshijnë format shqisore, siç janë shikimi i filmave dhe format e lehta intelektuale si leximi, kuizet, lojërat argëtuese dhe shahu. Në dëshirojmë që pacientët tanë të ndjehen si në shtëpi dhe t’i ofrojmë të gjitha kushtet e nevojshme për relaks dhe pushim.

Në klinikën tonë VIP Vorobjev e dimë që terapia profesionale është faktor i rëndësishëm për trajtim dhe mundohemi që t’i përshtatemi çdo pacienti që nga ai të nxjerrim më të mirën për të forcuat vetëbesimin dhe vetërespektin e tij.

Kur bëhet fjalë për sëmundjet e varësisë, njerëzit shpesh harrojnë çfarë force dhe potenciale kanë ata. Ata ndjehen të pafuqishëm dhe nuk shohin dalje nga labirinti në të cilin gjenden. Për këtë arsye ne jemi këtu, që vazhdimisht t’i kujtojmë çfarë mund të bëjnë ata sepse fuqia e tyre është në duart e tyre. Ne gjithnjë përpiqemi që të zgjojmë besimin e tyre që mund të jetojnë jetë shumë të bukur, sepse këtë jetë e meritojnë të gjithë.